उप-प्रादेशिक परिवहन कार्यालयात चंद्रपुर स्वतंत्र कक्ष कार्यान्वित
चंद्रपूर, दि. 12 जुलै : आषाढी वारीमधील 10 मानाच्या पालख्या ज्या मार्गावरून जातात, त्या मार्गावरील सार्वजनिक बांधकाम विभाग, महाराष्ट्र राज्य रस्ते विकास महामंडळ व राष्ट्रीय महामार्ग प्राधिकरण यांच्या पथकर स्थानांवर 7 ते 15 जुलै 2022 या कालावधीत वारकरी तसेच भाविकांच्या वाहनांना पथकातून सूट देण्याचे शासनाचे आदेश आहेत.
त्यामुळे संबंधित वाहन मालकाने पथकरातून सूट घेण्यासाठी विहित नमुन्यात उप-प्रादेशिक परिवहन कार्यालयातर्फे प्रवेशपत्र जारी करण्यात येणार आहे. त्याकरीता सदर कार्यालयात सकाळी 9 ते रात्री 10 वाजेपर्यंत स्वतंत्र कक्ष निर्माण करण्यात आला आहे. भाविकांनी व वारक-यांनी या सवलतीचा फायदा घेण्यासाठी वाहनाच्या वैध कागदपत्रांसह उपप्रादेशिक परिवहन कार्यालयात अर्ज सादर करावा व प्रवेशपत्र प्राप्त करून घ्यावे, असे आवाहन उपप्रादेशिक परिवहन अधिकारी किरण मोरे यांनी केले आहे.
Warakari vehicles exempted from toll tax,
Chandrapur separate cell is operational in the Sub-Regional Transport Office
